مفاجأة هانتشارك فيها كلنا انترنت فضائى بسرعة 24 ميجا بالثانية غير محدود و ب 600 جنيه فقط فى الشهر..مين مشارك؟؟؟؟sevensat
السلام عليكم ورحمة الله وبركاته.
عملنا موضوعات كتيرة اوى عن موضوع الانترنت الفضائى..
لكن دلوقت عاوزين بجد نخوض التجربة...
ايه المطلوب الان؟..
المطلوب ياجماعة اننا هانشترك فى سرعة 24.5 ميجا فى الثانية غير محدود..
العرض ده عند الشركة ب 999 دولار يعنى حوالى 7500 مصرى...
ده فى السنة يعنى الشهر تقريبا 600 جنيه مصرى
السعر مش متاكد اوى شامل تمن الاجهزة ولا لا؟...
طبعا اكيد مليون فى ال 100 اجهزتهم ممنوعة تمر من المطار...
طيب انا هاتكفل بانى اجيب الاجهزة عن طريق ارسالها الى الامارات ومن الامارات هاندخلها هنا مصر زى اجهزة الوايرليس
المهم بقى المشاركة الجماعية..
بصوا ياجماعة مبلغ 7500 جنيه مش قليل لو طلع ده نصب او ان السرعة مش حقيقية...
انا متكفل بمبلغ 2000 جنيه وكل اجراءات استلام وتسليم الاجهزة فى مصر...
مطلوب من اللى هايشترك معانا التبرع بمبلغ بسيط وكلنا نتشارك وهانعمل التجربة دى بالفيديو وتوثق للجميع هنا..
اللى هيتشارك معانا بفلوس فيه حالتين هايتم التعامل معهم بعد التجربة..
(1) فى حال نجاح التجربة بعد تصويرها وتجربتها شهر كامل وتقييمها بشكل يومى سيتم رد المبالغ لاننى طبعا
هاصبح مشترك فعلى لدى الشركة ويحق لكم استرداد الاموال ثانية...
وفى الحالة دى هاقدر انا ادخل لك الخدمة لما تحتاجها عن طريق التعاقد ودخول الاجهزة وتوصيلها لك وتركيبها كمان
وبكده هانقضى على جشع الشركات عندنا فى مصر وهايبقى سبق لم يحث من قبل..
والكل كسبان محدش خسر حاجة..
(2) فى حال فشل التجربة واتضح انها نصب او حتى تم التركيب واتضح ان السرعة سيئة الخسارة ستكون على الجميع
يعنى انا هاكون خسرت ال 2000 جنيه بتوعى وتكاليف شحن ونقل الاجهزة وعن طيب خاطر مش هابقى زعلان
بس على الاقل نبقى خوضنا التجربة وعرفنا هاينفع معانا فى مصر الفضائى ده ولا لا..
وبالطبع اللى هيبقى شارك معانا مش هاقدر ارد له امواله اللى شارك بيها..واتمنى يسامحنا بس على الاقل هانعرف
اخرة الفضائى معانا فى مصر ايه؟..
ايه رايكم فى فكرة المشاركة دى؟..
مش مطلوب منك الاف ولا غيره لو قدرت تستغنى حتى عن 100 جنيه تبقى مشكور جدا واكيد مساهم معنا فى المشروع
الفكرة لقيتها على الجروب عندنا وبعد البحث عن طرق ادخال الاجهزة عجبتنى وقلت نطبقها..
المطلوب ان حضرتك تضع رقم تليفونك فى مشاركة معانا هنا وتشوف المبلغ اللى هاتقدر تساهم به كام وتكتبه ايضا
هايتم الاتصال بك علشان اخد بياناتك لحفظ حقك لما نرجع الفلوس فى حال النجاح واقولك على طريقة تحويل المبلغ..
ياجماعة الموضوع مش مكلف لو حتى 50 جنيه هانقدر نشوف امكانيات الفضائى لدينا ايه؟؟؟
بس برضه حرام اتحمل ال 7500 وحدى فى حال الفشل وحرام واحد منكم يتحملها كلها..
منتظر اقتراحاتكم ومشاركاتكم ومش عاوزين حد يتبرع بتحمل التكاليف كاملة ..لاضرر ولا ضرار
عاوزك تقرى البوسط ده لشركة تى داتا ولينك بيقنعوا بعض
الباقة دي بـتضر بـصحة النـاس أذا شغلوها ..؟؟ لا ..
حلو ،، يعني لا ضرر منهـا ولا ضرار ..
ايوة بس دة نصـب وغـش ..
لا ،، الغش هو التحايل عـلي اعطاء صفـة الجودة لشئ غير جيد ،،
أحنـا هنا بقـي ،،، بـنعمل العكـــس ..
العكس ..؟!! ، طبعــــاً ..
احنا هنا بندي للناس شئ غير ضار في صورة الشئ الضار الي هما متعودين عليه ،
وفـي نفس الوقت ،،، بنحميهـم من الضرر ..
وبنسرق فلوسهم ..!
لا ،، بنـاخد تمن الباقة .. وحماية صحتهم من أضرار النت الزيادة ،،
بالظبط يـا اخي زي ما الدكتور بياخد تمن الفوزيتــه ..
عاوز تبيع 40 جيجا ب 380 جنيه وتقولي تمن الفوزيتة يا حرامي ..!!
طبعـاً .. ماهو احنا منقدرش نبيع بـ أقل من كدة ،
علشان الزبون يثق في الصنف ويُقبل عليه ،
احنا مقيدين بـ أسعار السوق العالمية يا دكتور ،، أله ..!!
سوق السفالة والاستغلال ..!
الاستغلال اصبح عرف في جميع الاسواق يا دكتور ،
قولي قولي مين النهاردة مبيشتغلش مين ..؟!!
اهو هو دة بقي الي جايبنا ورا ..!
موازين الدنيا اتغيرت يا ابو صلاح ، محدش دلوقتي بيوزن بـ الحق والعدل والرحمة ،
السنج اتغيـرت ،،، زي الرطل ما اتغير وبقي كيلو ..
لا سيبك من منطق الجشع ده ..
الجشع ،، هو انتهاز فرصة احتياج الناس لـ اساسيات حياتهم ،
وفرض اضعاف مضاعفة لقيمتها الحقيقية ..
ماهو دة الي انت عاوز تعمله ..!!
لا النت مش من اساسيات الحياة ، لاهو سكن ولا كسا ولا غذا وممكن الاستغناء عنه
دلوقتي بتقول كدة ..؟!! ،،، اله ،، مش دة رأيك ..؟؟! ، الي انت مش مقتنع بيه .!
اقتنـاعي الشخصي من عـدمه ،، لا يغير من الحقيقة في شئ ..
ايـة ياض البلاغة والمنطق دة كلة ، امال مفلحتش ليه في كلية الحقوق .؟!!
كليــة الحقوق هـي الي مفلحتش معايا ، خسرتني ..
دة انت كارثة ، عيب يا ابو صلاح دة احنا الي بروكنا الباري جوا الشباري بالدهلكة ..
تعليق فى المدونة بمشاركتك معانا وتضع المبلغ اللى هتشارك بيه ورقم تليفونك سيتم الاتصال من رقم 01009661565 فقط لاغير اللى هيتعامل معاك
موضوع الشركة كاملا هنا
تعليقات
إرسال تعليق