ميكروتيك عربي

بدئنا محاولات تحدى الاستخدام العادل ومن العن حاجة ممكن تشوفها بشبكتك التورنت شغال بيحلب لك الشبكة ليل ونهار لو تعرف مستخدم التورنت بيعمل ايه فى شبكتك كنت قتلته النهاردة انا عملت رول يقفل ام التورنت نهائيا ويحظر كمان العميل هايوريلك العميل مين اللى عامل الافشخانات دى فى شبكتك وانت لك الحكم  اما التخلص منه او تسيبه وانت حر وتفض الشبكة بقى قريب شاهد الفيديو تحميل الرول المستخدم BLOCK TORRENT IN MIKROTIK جارى تطوير الفكرة بعمل سكريبت يدور على ايبيى  العملاء ويخرجهم من الادرس ليست ويحجب الباقى تحت اشارف الاستاذ محمود ابو الدهب مسؤل الدعم الفنى معانا فى شركة ميكروتيك العرب شكرا لكم انتظرونا بافكار كتير نحل بها مشكلة الاستخدام العادل المميتة 01009661565 01223043008 0572361289

مين منكم بيعانى من موضوع االنت كت؟.. مين منكم حاله بيقف بسبب واد ابن حلال عمال يغير فى الماكات ويسرق النت من عنده مين منكم  فى الدوماة دى فصل النت على الناس وتشغيل النت كت عينى عينك؟.. ده ياجدع العيال بقت بتعلم بعض وينشروها  بين بعض تحس انها رسالة خيرية بتتنشر فى الشبكة كلها تلاقى الواد عمال يلف على كل اصحابه يعلمهم ولا كانه دين جديد اتنشر!!!! طيب النهاردة الاستاذ محمود ابو الدهب اللى دماغه تستاهل تقلها دهب دهب دهب نجح فى تطوير خوارزمية فى الميكروتيك الاجانب نفسهم  عجزوا عن عملها او تكميلها نص الاسكريبت نزل على الويكى وتمت فيه مناقشات من 2008 ومنجحتش جه العبد لله محمود ابو الدهب  ((وانا كنت بتفرج عليه على التيم على فكرة متنسوش مجهودى)) قلب الطرابيزة على الاجانب وعلى كل بتوع النت كت زى مالاستاذ محمود ابو الدهب تعب فى عمل الفكرة وانا تعبت فى توصيلها لك مطلوب منك انت كمان حاجة مهمة جدا مش هتاخد منك كتير علشان تعرف تصطاد الحلوف اللى بيعمل عليك نت كت بجد المعتــــــــــــــــــــاد واللى بنقوله للناس كلها طول ماعتدك دى اتش سى بى ((اوتوماتيك فى الشبكة)) النت كت هايبقى شغال لكن النهاردة لحسنا...

قمنا اليوم بتجربة جهاز الكهرباء لتشغيل اكبر عدد ممكن من الاجهزة اثناء قطع الكهرباء وبالصدفة يحدث انقطاع للكهرباء فى المحل اثناء التصوير وسنحتاج للانارة عن طريق مكنة الكهرباء وللاسف مافيش بنزين وهنا حدثت مفاجاة لن يتخيلها احد صورناها فيديو فورا لتوثيقها شاهد فيديو الشرح قبل انقطاع الكهرباء  شاهد الفيديو اثناء انقطاع الكهرباء والان معلومات عن الجهاز يتوفر الانفرتر ال 2000 وات بسعر 1900 جنيه  تشغل 5 كمبيوتر او 180 سويتش على ناناو على بوليت الخ... يتوفر الانفرتر ال 1000 وات بسعر 1350 جنيه  يشغل 2 كمبيوتر او 90 قطعة فى الشبكة البطاريات تقدر تشترى اللى انت عاوزه  لو عاوز فكرة فاجرة جدا ومدة طويلة متتخيلهاش فيه بطارية اسمها جيل... دى ركبها وانسى الكهربا بس سعرها غالى فى حدود 1500 جنيه البطارية طبعا البطارية الشعبى 120 امبير تشيلك فوق ال 3 ساعات بحوالى 750 جنيه فيه بطاريات 100 امبير و 70 امبير فى السوق لاتتعدى ال 500 جنيه تحياتى لكم شادى سوفت

للاسف مشاكل كتيرة جدا فى بعض الشبكات احد الاعضاء معنا فى المدونة اتصل بى وقالى ان الشبكة بتخرب بقالها شهرين والزباين عمالة تخرج من الشبكة برامج الشات بتقطع النت بطىء جدا تقل شديد مش كل السرعة واصلة للعميل وبعد مادخلت له وجدت الكارثة التى تخفى عن العديد من اصحاب الشبكات شاهد على الفور المشكلة وحلها للابد باذن الرحمن اثناء احدى جلسات التيم فيور المدفوعة تحياتى لكم شادى سوفت

السلام عليكم ورحمة الله وبركاته الاعضاء الكرام مشكلة السطور الحمراء المتكررة فى ميكروتيك سيرفر هاتلاحظ فى بعض الاوقات سطور او خطوط حمراء تظهر داخل لوج سيرفر  ميكروتيك الخاص بك دى محاولات لبعض المواقع الهاكر الخارجية من تتبع الايبى الخاص بك والدخول  الى سيرفر مايكروتيك الحل بسيط جدا جدا تشاهده فى الفيديو التالى وده الاسكريبت اللى تقدر تحطه مباشرة بدون الحاجة لاى شىء red line تحياتى لكم شادى سوفت الباسورد.TXT (1KB)

السلام عليكم ورحمة الله وبركاته.. الاعضاء الكرام اعضاء مدونة ميكروتيك العرب للشبكات وخدمات الانترنت.. نرحب بكم معنا.. يؤسفنى ابلاغكم انه للاسف تتعرض البلاد ابتداء من الفجر اليوم لعاصفة ثلجية تضرب انحاء البلاد كلها بالاضافة لموجة من الامطار...وانخفاض هائل فى درجات الحرارة يقترب من صفر درجة مئوية ليلا.. وللاسف ايضا العدو اللدود للانترنت الوايرليس هى الرطوبة او تشبع الجو بالشبورة والمياه.. اللى مركبين اجهزة ام فايف هاتلاحظوا انخفاض رهيب فى الداتا ريت والاشارة وبالاخص ليلا... اللى مركبين اكسسات للعملاء على تردد 2.4  الخسائر هاتكون كبيرة نظرا لان الشبورة وموجة الصقيع هاتقوم بتسريب نقاط مياه داخل الاكسس هايفضل على الشيبست بتاع الامبلفير داخل الاكسس هاتلاقى الاكسس بينور كله....او مش بينور خالص...مافيش عليه اشارات خالص... حاول تنضف الجهاز بتنر  او بنزين ابيض لو اشتغل تمام لو مشتغلش حاول تجيب الشيسبست اللى ضرب من اكسسات تانية فقدت النطق خالص... هايكتر موضوع الاشارات ده بين الناس وجب التبيه للجميع.. برجاء...ورجاء حار....حار....رجاااااااااااااااااااااااااااء انا صاحب شبكة زيى زيكوا وعارف يعنى ايه...

السلام عليكم ورحمة الله وبركاته الاعضاء الكرام قلبى معاكم... عارف اللى بيحصل اليومين دول فى الشبكات اللاسلكية والارضية... الشتاء عارم... البرق والرعد عمالين يصطادوا البيكوهات والبوليتات وشغل ام فايف من على الابراج والسطوح.. الهواء شال اكسسات العملاء وفلسع ولا حد عارف راحوا فين.... المهم علشان مطولش عليكم.. عملت الموضوع هنا علشان اقرىء الشكاوى اللى هاتكتب فى تعليقات اسفله فى المدونة لمشاكل وحلول مايحدث بالجو الان.. اول مشكلة هى ضرب كارت اللان للبوليت او البيكو.... الحل الرخيص بالموضوع كارت اللان للبوليت او البيكو ضرب منك !!!او كارت اللان باظ منك!!!مش هاترميه ده حل للمشكلة وشغال زى الفلbullet 2hp المسكلة الثانية وهى الاغلب الاعم..هى انفجار الباور poe بتاع البوليت او البيكو الحل الرخيص عن طريق الصور التالية باور التى بى لينك وده بيجى لك مع كل الاكسسات تى بى لينك ببلاش ادابتور 12 فولت على 1 امبير عامل 25 جنيه من اى حد كهربائى بدل ماتشترى المحول اللى هايبقى ب 125 الى 150 جنيه وبالاخص لو الموضوع كان فى اجهزة كتير منتظر استفساراتكم لوضع حلول رخيصة غير مكلفة تحياتى لكم شادى سوفت

الاعضاء الكرام.. اهلا ومرحبا بكم مرة اخرى معنا على موقع ميكروتيك العرب.. موضوع النهاردة مشكلة مؤرقة جدا لاصحاب الشبكات... وانت شغال على السيرفر فجاة الوينبوكس قفل وظهر لك الرسالة دى... موضوع فيديو النهاردة جزء من حل المشكلة وليس الحل الكامل فى مواجهة قفلة فى الشبكة.... نشوف فيديو الشرح كاملا ونفذ الطريقة فى لحظات.. اما مشكلة المثلث الاصفر ومشكلة عدم سحب بعض الاجهزة ايبيهات (خصوصا السفن) ومشكلة النت بطىء فى الشبكة..   انتظروا الشرح القادم فى الموقع .. يرجى تسجيل عضويتك بالموقع معنا

واى بوردة تتبع جى 41 السلام عليكم ورحمة الله وبركاته كتير مننا بيعرف شبكته واجهزتها بالتعريف ده... ياريت الابتعاد فورا عن الموضوع ده... هاتشوف بينجات عالية وانت مش عارف من ايه؟.. هاتشوف سطور زرقاء كتيرة وانت مش عارف من ايه؟؟؟ هاتشوف قفلات غريبة وناس شغالة وناس لا وانت مش عارف من ايه؟..   هاتشوف ايام سودا... وفى الاخر هاتلاقيها بوردة جى 41 جيجا بايت معمول لها تعريف اللان ده بمجرد العميل مايعرف كيسته بالتعريف ده ويروح يشغل كيسته كل شبكتك تقع.. الكلام ده ظهر فى 6 شبكات لحد الان اخرهم شبكة رجب وطارق هنا فى دمياط وتم كشف المشكلة وتنزيل التعريفات من الاسطوانة يعد شهر من عناء تغيير السلوك والسويتشات وخسارة فادحة.. واى بوردة تحمل اسم  h61 يعنى من الاخر نرجو الابتعاد عن تعريف اللان باسطوانة التعريفات المجمعة دى.. ولو حد حاسس بمشاكل فى شبكته يراجع الموضوع ده هايتم اكتشافه وحل المشكلة تحياتى لكم شادى سوفت مدونة ميكروتيك العرب

السلام عليكم ورحمة الله وبركاته اعضاء المدونة الكرام كتير بنسمع عن ان كارت اللان بتاع البيكو او البوليت باظ ومعدتش عارف تدخل على الجهاز تانى او تدخل مرة و 10 لا.. او كل حاجة شغالة بس مافيش نت عند الناس يعنى بتعمل بينج على البوليت تمام ومافيش بينج على السيرفر؟!!! كل دى من مشاكل كارت اللان المعروفة.... فيه وسيلة جماية عبر سلك اف تى بى بيجى من المول بيبقى فيه طرف ايرث...ارضى يعنى....بتعمله لتفريغ شحنة الكهرباء الزيادة  الارضى وده شكل السلك او السلك ده المهم ان السلك ده بيحافظ لك على الجهاز عمر اطول من ضرب كارت اللان دى الظاهرة هاتشوفوها منتشرة جدا فى فصل الشتاء وخصوصا لما يحصل برق او رعد فى بعض الايام الكتير بيقوم الصبح يلاقى لو استفدت ساعدنى بنشر الموضوع : ان البوليت او البيكو ضرب لان ومش شغال... قليل جدا ان ينجح معالجة العطل ده فى مصر.. الحل الوحيد انك تبعته للوكيل فى دبى وتنتظر شهر على الاقل ولما يرجع لك تتكلف حوالى 300 جنيه مصاريف المشوار  طيب... معنى انه باظ فى عز شغلى ومعييش فلوس اجيب حاجة تانية دلوقت وهايغيب اكتر من شهر كده اتوقف حالى؟!!!! شوف الفيديو ده حل جميل جدا جدا وهايريحك و...

السلام عليكم ورحمة الله وبركاته حرف واحد فقط يدمر لك شبكتك بالكامل تخيل دى؟.. حرف ال S فى بداية اسم الموقع... نظام تشفير جديد استعمله الفيس بوك اولا وانتقل ثانيا الى جوجل والى يوتيوب وجارى تعميمه على كافة المواقع على الشبكة العنكبوتية الانترنت.. الطامة الكبرى ان الميكروتيك لايدعمه فى تسجيل المشترك فى صفحة الهوتسبوت لما يجى يدخل اليوزر والباص ازاى ؟..  افهمها لك واحدة واحدة.. دلوقت جوجل بقى بيكتب فى الاول https://www.google.com العميل بيعمله صفحته الرئيسية طبعا...لما يقفل ويفتح ويجى يسجل دخول تانى..الميكروتيك بيطلع له صفحة بيضاء كأن النت فاصل يعنى العميل هوبا هايروح سالف ال 3 جنيه ويقضيهم عليك رن واتصالات من تليفونه ياريس ولو غلب معاك هايبعت لك 3 كلمنى شكرا يعنى وراك وراك ياجميل ويشتغل الصداع... مش عميل واحد على فكرة ده يمكن الشبكة كلها الوحيد اللى هايبقى شغال ..الباى باس واللى عامل صفحته الرئيسية كده www.google.com ياترى انت عارف حجم المشكلة دى ايه؟؟؟ والله لسه مش هاتحس الا لما تقع فيها وتبدء الاتصالات وتفكر ان الميكروتيك فيه مشكلة ساعتها هاترجع للموضوع ده وهاتضطر انك تطبقه..يبقى الاول...

نظرا لامتلاء صندوق الاصدقاء فى الفيس بوك 5000 صديق...للاسف هناك البعض  يحاول التواصل ولا يمكنه انصح الجميع بعمل متابعة لى من صفحة الفيس بوك سيصلك الجديد دوما اترك لى استفسارك  فى رد اسفل الموضوع وستجد الرد فورا او مدة اقصاها 8  ساعات فقط تحياتى لكم شادى سوفت لو استفدت ساعدنى بنشر الموضوع :

المشكلة اللى فى الصورة دى متكررة فعلا فى شبكات كتير...   انا هاحط لكم هنا صورة صاحب المشكلة وحل المشكلة.. المشكلة تكمن فى عدة نقاط.. (1)تكون عاطى اكسيس بوينت نفس ايبى كيسة كمبيوتر عميل او نفس ايبى  اكسيس بوينت تانى... احذر لازم لكل اكسيس ايبى مختلف عن التانى علشان ميحصلش كونفليكت ايبى... (2) ممكن يكون رول معين انت حطيته فى السيرفر عمل الحركة دى.... الغى اى رولات تمت اضافتها وشوف النتيجة   (3) الغى كل اللى فى الليسس من السيرفر زى الصورة دى باذن الرحمن تكون مشكلتك اتحلت وشكرا لكم تحياتى للجميع مهندس شادى سوفت لو استفدت ساعدنى بنشر الموضوع :

الاخوة الكرام الكثير منكم يشكو من ان البوليت او البيكو اشارته معدتش زى الاول؟!! طب انا اول ماجبته كان خرافة فجاة الاشارة وقعت؟!! وحاجات كتير من هذا القبيل.. اؤكد لكم باذن الرحمن من بعد الفيديو ده هاتتحل مشكلة 70 فى ال 100 منكم الفيديو شاهد تحياتى لكم مهندس شادى سوفت

الاستخدام العادل فى تى داتا ميكروتيك العرب عملتها تى داتا فعلا وبقت رسمى وعلى عينك ياتاجر.. عاوز تعرف عملت ايه؟... شوفت الصورة اللى فوق دى؟!!! تمعن كده وقولى شايف الهنا اللى احنا فيه؟!!!! معلش بقى ياجودعان... اللى عنده تى داتا يدخل بسرعة يلحق نفسه ويشوف الخوازيق اللى مستنياه.. هاتسجل فى الرابط ده الرابط اللى يطلع له الصورة دى مش عاوزه يقلق خالص.. ليه بقى مش يقلق؟؟ انا اقولكم؟... لانه الرجالة لسه بيارشفوا كل الخطوط ودورك جاى جاى ياريس متقلقش..ههههههههههه يامصيبتى يانا ياما..يامصيبتى يانا ياما... وفى النهاية عارف شعور كل واحد لما يشوف العداد بتاعه هايبقى شكله كده بالظبط ياسنة سوخة ياولاد ههههههههههه تحياتى لكم مهندس شادى سوفت