ميكروتيك عربي

مش هاعرف اوصف الحدث ده؟!! انا خالد كان بيحكى لى عن النظام الاسطورى ده لكن لما جينا نجربه بامانة حاجة روعة هو مزيج رائع للميكروتيك سيرفر هناخد من الهوتسبوت كل  مزاياه (الدعايا -- الاعلان__الارقام__كل حاجة) واهخد من البرودباند مزاياه القوية جدا جدا (منع النت كت-- منع القفلات--الامان التام---التصفح الرائع) الفكرة فى البرودباند فى الاول انك كنت بتروح لكل عميل تعمل له كونكت برودابند طورنا الفكرة شوية وعملنها برنامج تعطيه لكل عميل يسطبه على جهازه اما المرة دى فالفكرة بقت اقوى مليار مرة البرنامج هايروح لحد العميل اوتوماتيك ويسطب نفسه العميل هايشوف وجهة روعة ومش هاتحتاج له لما ينزل ويندوز يجى لك هاتعمل فصل خدمة ورسايل تنبيه كاملة للعملاء رسايل مباشرة للعميل اللى انت عاوزه وتحدده وتظهر له اجبارى ولازم يشوفها مش عارف اقول لان بصراحة لو قعدت اوصف للصبح النظام رائع ونارى فيديو التجربة اللى عملناها علشان تبقى فاهم الدنيا ماشية ازاى للحصول على الصفحة كاملة تفضل BRODSPOT MIKROTIK تحياتى لكم شادى سوفت

فكرة جميلة اوى عمالين نطور فيها يوميا احنا شركات الانترنت مركبة لنا لامؤخذة البتاع بتاع البتاع  وعمالين ينفخوا فى اللى جابونا وطول مالبتاع راكب ومش لاقين حل للاستخدام الراكب؟..قصدى العادل عمرنا ماهنبقى بتوع بتاع من اللى بيتباع!!!!! حدش فهم حاجة؟.. طيب بص يابرنس وطرطأ لى جوز الودان الحلويين دول اللى معدوش بيسمعوا  الا خوازيق!!!! هاسمعك فكرة حلوة اوى ننفذها ونطورها سوا احنا هانشيل البتاع اللى متركب لنا ونركبه للميكروتيك؟.. اظن هو هايستحمل لكن احنا معتقدش البتاعة هاتستحمل صح؟... اعتقد ان كلكم فاهمين بالصلاة على النبى... ايوه ياعم قصدى البتاعة اللى هى البتااااااااااااعة؟!!! ههههههههههههههههههههههههههههههه المهم احنا هانروح لمولانا الميكروتيك ونقوله؟!! مدد ياسيدى تيكا ابوس ايد امك ارحمنى من اللى بتعمله الشبكات وهافهمه ان الشركة بتدينى كمية محددة وبعدين  لما اتخطاها تقوم الشركة منزلى سرعتى وانى لما اوصل لاخر الشهر واخش فى اشتراك جديد  تروح الشركة ضاربة ايدها فى جيبى ومشغلة لى النت!! طبعا هانصعب على الميكروتيك فهيقولك وانت مخزوق نفسك وحارق دمك ليه ماحنا نلبس القرطاس للمشتركين؟!! ازاى ياعم ده؟

ناس كتير اوى سالت وقالت هل الكاش له فايدة؟.. طب الناس اللى اشترت هل استفادت بجد؟.. هل يستاهل الفلوس اللى اتدفعت فيه؟.. طب بيكيش يوتيوب وفيس بوك وتويتر ولا لا؟.. طب هايوفر لى كام ميجا تقريبا؟؟ طب التصفح شكله ايه؟.. طب ايه الحل مع الخطوط اللى بتقع؟ كل ده واكتر جاوبتك عنه بالفيديو صوت وصورة  جربنا سوا من الشبكة بخط 12 ميجا الفيديو تحياتى لكم شادى سوفت ارقام التواصل  يوما عدا الجمعة من 12 ظهرا الى 11 مساء 01223043008 01009661565 0572361289

السلام عليكم ورحمة الله وبركاته يرجى الانضمام للمدونة حتى استطيع افادتكم اكتر باذن الله معى اليوم صفحة من تصميم الفنان عمرو وهبه صاحب فكرة فورتيكا تى فى الصفحة بها اغلب واهم قنوات النايل سات وكل قنوات بين سبورت الرياضية لمتابعة اهم الدوريات العربية والاجنبية وكل ده بلووووووووووووووشى من اللى بتحبووووووووووووووه فيديو عرض الصفحة ومميزاتها تحميل الصفحة مجانا للجميع FORTICA ALOGIN MIKROTIK HOTSPOT تحياتى لكم شادى سوفت

اعضاء مدونة ميكروتيك العرب اهلا بكم فى ظل الاستخدام العادل بندور على حلول كتير لحل مشكلة التحميل وسحب الداتا من الشبكة ومن النهاردة مش هانقعد ندور على الامتدادات بدل ماندور على البردعة نمسك الحمار احسن والحمار عندنا الاخضر اللى بالى بالك ((داونلود مانجر)) نشوف الفيديو وتفهم اكتر الفيديو والان تحميل الرول المستخدم IDM KILER جارى العمل على تطويره اكتر علشان اليوتيوب تحياتى لكم شادى سوفت

اعضاء مدونة ميكروتيك العرب اهلا بكم فى الفترة الاخيرة لاحظت حالة غريبة بين مرتادى المدونة واحد عمل برنامج وقالى اعرضه للناس تشوفه وقلنا فى الفيديو غير مجانى مش شغلى ده تعبه هو وتعبى انا فى العرض عرضته مجانى فوجئت بكمية سحت مالهاش حل؟.. بذمتكم انتم عاوزين حد يطور ولا بتشجعوا حد يطور حاجة ويعرضها؟.. شغلى كله مجانا من يوم مابدئت اول درس فى 2006 لكن لما واحد يشتغل ويتعب علشان يلاقى مقابل لمجهوده ونعرضه لكم وبدلا من التشجيع اسمع وصلة شحاتة صباحية ومسائية يبقى الافضل اللى عاوز يستفيد من شغل الراجل هو اللى يلزمه واللى ممعهوش ميلزموش افضل علشان يريح ويرتاح مش معقول كل واحد يعمل شغل يطور فى المجال  نخش نحبطه كده ونقوله ادينى ببلاش!!!! طالما ببلاش يبقى حقى اطالبك بحق ربنا  انك تعمل شبكتك ببلاش ومتاخدش فلوس!!!! ولا تلم اشتراكات طالما بوفر لك كل حاجة ببلاش وانت بتصر على ان شغل وجهد الناس الخاص يجى لك ببلاش يبقى حق ربنا متلمش ولا مليم اشتراك وتدى النت للناس ببلاش يابرنس المهم نيجى لتطوير المهندس عمرو سامى الفائق الروعة اه نسيت للمهندس احمد عيد الكلام منقول من الجروب ومش انا اللى كتبته وانا المدونة

نقلا عن المبرمج محمد شميس للبرنامج كتب يقول نقلا من الجروب الخاص بالبرنامج Accounting System كل فتره كان بينزل برنامج حابات للشبكات وتقريبا كانو بيقومو بنفس المهمه الي  هي تدخل اسماء العملاء وبياناتهم وتطبع الاسماء دي يعني كل ده كان ممكن  الواحد يعملو ب excel وهيبقى احسن من البرنامج ده انا وشادي اتكلمنا من اسبوعين عن البرنامج الي انا بصممه الي اسمه MAS ( Mikrotik Accounting System وقولت ان البرنامج مش زي الي قابله من البرامج ... ليه ؟؟ اقولك انا 1 - البرنامج بيتصل بالسيرفر بتاعك ويطلع منه اليوزرات والبروفايلات اوتوماتك  ويحدثها 2 - ممكن من خلال البرنامج انك تقفل يوزر او تفتح يوزر 3 - اضافة يوزر 4 - تغيير بروفايل اليوزر طبعا الكلام ده بضغطة زرار مش اكتر  (انت كده استغنيت عن الوين بوكس ومش هتحتاجه الا نادرا ) 5 - اطبع ايصالات للعملاء عند السداد او التركيب الجديد 6 - تسجيل الاعطال (يعني لما يجيلك العميل ويقولك انا عندي عطل بتسجله في  البرنامج وبتطبعله ايصال وبعد كده بتبعت اي حد من  عندك او بتروح حسب ترتيب الاعطال الي موجوده ) 7 - بتسجل بيانات الخطوط بتاعتك وسرعاتها واسعارها  (بحيث انه يجم

عاوز اوضح نقطة مهمة جدا لكل اصحاب الشبكات ان الاستخدام العادل فى لينك مش 250 جيجا ولا 100 جيجا ولا اى افشخانات الاستخدام العادل فى لينك 8 جيجا على الخط ال 4 ميجا؟.. تخيلوا دى؟.. تدفع اشتراكك بعد يومين تلبس اسود يعنى الايتخدام العادل عندهم استرشادى 4 جيجا يوميا ولو يومين بتعدى ال 4 جيجا انت بقيت شبكة خطك يقف فورا يعنى ب 380 جنيه يومين نت ياحرامية ياناور!!!! شوفوا زملائكم كده فى النهاية لينك معدتش تصلح للشبكات ولا الافراد وزغرطى ياللى مش غرمانة تحياتى لكم شادى سوفت

جهاز واى فاى تحفة فنية من شركة ميكروتيك عالجت اى اخطاء سابقة فى الاجهزة بتاعتها علشان تدخل سوق التردد 2.4 بقوة الجهاز يحمل 2 انتنا بقوة 6 ديبى يعنى الانتنان 12 ديبى باور الجهاز اب تو 30 يعنى الجهاز بباور عالى جدا مع الانتنات كمان داتا ريت 300 ميجا بالثانية بينج رقم واحد فقط حتى فى حال الضغط عليه مش هاتكلم كتير نشوف تقرير اول ماشوفت الجهاز ودلوقتى البرمجة كاملة الاحترافية من الالف للياء تحياتى لكم شادى سوفت نتواصل معكم على ارقامنا 01009661565 01223043008 0572361289

اعضاء مدونة ميكروتيك العرب الكرام فيه اخطاء شنيعة بيقع بها اصحاب الشبكات وتكمن فى عدم الدراية الفيديو ده بيوضه خطا شائع فى اجهزة تردد 5 جيجا هيرتز الفيديو تحياتى لكم شادى سوفت

كل الشكر والعرفان لصاحب الفكرة كلها المهندس حمدى احمد من النهاردة باذن الرحمن انتهى اختراق الميكروتيك حتى الاوتوماتيك لو شغال من النهاردة مافيش اى ابن تيت هايعيش على قفاك الحل الاكيد لاختراق الميكروتيك والنت كت انتهاء  اسطورة النت كت نهائيا فى سيرفر المايكروتيك حتى  لو شغال اوتوماتيك NetCut Mikrotik يايبقى معاه يوزر بما يرضى الله يا يروح وقفاه يقمر عيش سوهاجى!!! من الاخر كده من مدونة ميكروتيك العرب بنرمى التحية على الراجل ابو 100 جنيه وتقريبا عامل شهادات استثمار زى قناة السويس  قال للناس هانزل لكم الشرح بعد 3 شهور مجانى؟.. ياجدعان يارت نتقى الله فى بعض اى معلومة جديدة بنزلها ببلاش وبرضه رزقى بيجى لحد عندى مش النصاحة انك تخبى النصاحة انك تنشر وتفيد ووالله العظيم هاتستفيد ورزقك هايجى لك + ثواب نشر العلم الحل الاكيد لاختراق الميكروتيك والنت كت انتهاء اسطورة النت كت نهائيا فى سيرفر  المايكروتيك حتى لو شغال اوتوماتيك NetCut Mikrotik نشوف الفيديو والفكرة كلها الاول تحميل الاسكيدوال رول بيشتغل كل 5 دقايق scheduler تحياتى لكم شادى سوفت

انا مش هاتكلم كتير الناس فى الفيديو ده قالوا الكلام اللى لازم نسمعه الفيديو تحياتى لكم شادى سوفت

غدا تحدث فارقة عجيبة لم تحدث من قبل صاعقة مغناطيسية تضرب الارض تؤثر على الشبكات والاتصالات والاقمار الصناعية يرجى الانتباه لان هاتكثر الشكوى غدا عن ضعف الاشارة وتذبذبها او فصلها مصدر الخبر هنـــــــــــــــــــا تحياتى لكم شادى سوفت

اغلبنا شغال باكسسات خاربة له الشبكة افهم الفيديو واعرف ياكبير ازاى تختار الافضل الفيديو تحياتى لكم شادى سوفت

مشكلة كبيرة جدا  انتشرت فى الشبكات اليومين دول النت بيفصل النت بيروح وييجى النت بيقطع ناس عندها نت وناس لا طب ياكبير الميكروتيك اصلا فيه مكان بيقولك المشكلة فين عاوز تعرف ازاى وكمان بيحدد لك الماك صاحب المشكلة وبيشاور لك عليه بيسلمه تسليم اهالى شوف يامعلم الدنيا فيها ايه حالا الفيديو تحياتى لكم شادى سوفت

السلام عليكم الشتا جااااااااااااااااااااى جملة مرعبة خصوصا الصواعق اللى بتروق لنا الشغل تبقى نايم فى امان الله تصحى تلاقى البوليت والبيكو  اتلعب فى وشه الجلاشة واتعمل معاه الغلط مكنش لها حل خااااااااااااااااااااااااااالص لكن النهاردة مش هانرمى الاجهزة تانى هانصلحا ونشغلها مش هانعضعضها  لا هانصلحها ونشغلها تانى شوف ازاى وانت تفهم تقدر تدخل الجروب معانا وتراسل المهندس محمد فى البوسط الخاص به الرابط هنــــــــــــــــــــــــــــــــــــــــــــــا تحياتى لكم شادى سوفت

بدئنا محاولات تحدى الاستخدام العادل ومن العن حاجة ممكن تشوفها بشبكتك التورنت شغال بيحلب لك الشبكة ليل ونهار لو تعرف مستخدم التورنت بيعمل ايه فى شبكتك كنت قتلته النهاردة انا عملت رول يقفل ام التورنت نهائيا ويحظر كمان العميل هايوريلك العميل مين اللى عامل الافشخانات دى فى شبكتك وانت لك الحكم  اما التخلص منه او تسيبه وانت حر وتفض الشبكة بقى قريب شاهد الفيديو تحميل الرول المستخدم BLOCK TORRENT IN MIKROTIK جارى تطوير الفكرة بعمل سكريبت يدور على ايبيى  العملاء ويخرجهم من الادرس ليست ويحجب الباقى تحت اشارف الاستاذ محمود ابو الدهب مسؤل الدعم الفنى معانا فى شركة ميكروتيك العرب شكرا لكم انتظرونا بافكار كتير نحل بها مشكلة الاستخدام العادل المميتة 01009661565 01223043008 0572361289