ميكروتيك عربي

السلام عليكم ورحمة الله وبركاته.. الاعضاء الكرام.. سؤال يتبادر الى اذهان الجميع وانا اولكم... ايه الخازوق المغرى اللى احنا لبسناه من شركة تى بى لينك ده؟..اسمه tplink 701 v2 خازوق محصلش قبل كده... خرب شبكات فعلا ادام عينى... ناس زهقت وفكت وباعت الشبكة ويتضح فى الاخر السبب اكسس بوينت 701 بالشكل الجديد.. طيب تيجو نناقش المشكلة ونشوفها اتحلت النهاردة عندنا ازاى؟.. ظهور المشكلة... المشكلة ظهرت عندما قامت شركة تى بى لينك بترقية الموديلات شكلا وسوفتا..يعنى الشكل اتغير والسوفت اتشقلب!!! المشكلة فى قفلة فى الشبكة المشكلة فى ظهور سطور زرقاء غريبة المشكلة فى ان الشبكة كلها النت فيها بطىء ملايين الخوازيق المغرية لبسناها بعد ماجبنا الاكسس بوينت ده سبب المشكلة.. الســــــــــــــــــــــــــــــــــــــــــوفت اللى على الاجهزة شغال ب 2 ماك مش ماك واحد؟.. السوفت اللى على الاجهزة مش بيظهر ماكات العملاء اللى على الاكسسات السوفت اللى على الاجهزة بيشغل عميل اه وعميل لآ لو على سويتش... السوفت اللى على الاجهزة مش عارف اعمله بريدج.. حل المشكلة.. فى الفيديو القادم انا بحمد الله قدرت اوصل لك صورة كاملة لحل ال

السلام عليكم ورحمة الله وبركاته.. منتج اليوم هو... AIRGRADE M5 HP 50DBM UBNT الاسطورة مخترق المسافات المسمى اير جريد تردد 5 جيجا هيرتز... الاول.. ندرس انت عاوز تعمل ايه؟.. انت عاوز تجيب خدمة انترنت جيدة لان البلد اللى انت فيها مافيهاش خطوط ارضية لتغطيتك انترنت كويس؟؟.. او السنترال مافيهوش 4 ميجا واقصى حاجة 2 ميجا بس؟... او السنترال الخطوط فيه بالنهار حلاوة وباليل زيتون اسود ممشش؟... او السنترال تعبان جملة وتفصيلا وانت عاوز تحتكر البلد اللى انت فيها وتجيب انترنت يبقى مميز عن اى حد من بلد تانية؟.. الاتجاه الغالب انك هاتنقل انترنت من بلد تانية جنبك؟.. طب لو البلد دى اخترقت حاجز ال 7 كيلو اللى هو اقصى حاجة تقدر تستقبلها من نانو استيشن ام فايف؟... برضه قبل ماندخل فى تفاصيل؟.. الحل هو انك تروح لبلد تانية جنبك وتجيب خطوطك من هناك عن طريق جهاز اسمه ايرجريد يعمل على تردد 5 جيجا هيرتز؟ يعنى ايه التردد ده؟.. التردد ده ياجميل هو عبارة ان الجهاز بيحول الانترنت اللى ماشى فى السلك وجاى له من الروتر الى انترنت هوائى... الانترنت او البيانات الهوائية دى هاتتنقل عبر الجهاز بتاعنا اللى حول تشفيرها الى نت

السلام عليكم ورحمة الله وبركاته.. المبدع مصطفى صاحب صفحة نت ون قدم لنا فى الفترة الاخيرة صفحة رائعة للميكروتيك (1) تسجيل دخول بشكل انيق وصورة منبثقة تقدر تحط مكانها صورة الاعلانات الجديدة فى الشبكة (2) موسيقى لاغنية دينية رائعة الجمال وصوت شجي جدا يخطف القلوب (3) صفحة تنبيهات لو حبيت تعلن عن جديد الشبكة وما الى ذلك (4) صفحة فصل الخدمة (5) صفحة اتصل بنا (6) صفحة القنوات ودى بقى اللى جميلة جدا بدون مجلة هاتلاقى قنواتك شغالة بالطريقة اللى شرحناها قبل كده فى المواضيع دى  صفحة هوتسبوت روعة + بث قنوات مجانا + شات مجانا لكل الشبكة حصريا مجانا  ميكروتيك العرب وتقدر تتابع كل طرق بث القنوات من الرابط ده بــــــــــــــــــــــــــــــــث القنوات نشوف الاول الفيديو اللى بيوضح امكانيات الصفحة   ودلوقت لينك تحميل الصفحة من سكاى درايف اختار netone v2 تقدر تحمله من على الموقع مباشرة مجانا هنا

السلام عليكم ورحمة الله وبركاته.. الاكسس اسوس ان 10 RT-N10E كتير واجهته مشكلة انه فى خاصية الربيتر وخصوصا مع الميكروتيك مش بتظهر صفحة الهوتسبوت الخاصة علشان المشترك يعرف يسجل..يعنى الصفحة بتاعة السيرفر مش بتظهر بالرغم انه ساحب الايبهات وكله تمام طبعا حاولت افهم المشكلة سببها ايه؟.. وجدت انه بيعمل بعد التحويل الى ربيتر كونكت على ايبى او جيتواى الميكروتيك علشان يعرف يشتغل.. واحنا طبعا كعادتنا فى برمجة الاكسسات لو لقينا حاجة اسمها دى اتش سى بى بنقفلها..يعنى اى اوتوماتيك فى الاكسسات بنقفله لكن الاكسس ده يتميز بالذكاء الخارق او قمة التكنولوجيا زى مابيقولوا... الاكسس بيبحث عن مصدر الانترنت بتاعك جاى منين والايبى الجيتواى اللى شغال عليه كام وبياخده ويرميه اوتوماتيك للعملاء بتوعك... طبعا لما لقيت المشكلة دى حاولت ابحث عن RT-N10+ B1  DDWRT   RT-N10+ B1 OPENWRT RT-N10+ B1 TOMATO Tomato with Asus RT-N10+ B1 حتى الصفحة اللى وجدت الاجانب بيسالوا عن حل المشكلة دى ملقيتش بها حل سليم www.sys2u.com/xpert/viewtopic.php?f=59&t=13943#p22274 لكن للاسف كل المحاولات باءت بالفشل نظرا لان الجهاز حديث ف

السلام عليكم ورحمة الله وبركاته ماسيحدث وتشاهده اليوم...سيحدث انقلابة فى عالم الميكروتيك... ماسيحدث سيجعل شبكتك التوب دوما فى جميع خدماتها...وسترى بنفسك... اربطوا الاحزمة اولا... فى حال تطبيق الشرح مش عاوز اى رولات او اضافات فى سيرفرك يعنى امسح اى اضافات انت عاملها فى سيرفرك المقدمة موضوع اليوم هو فصل التصفح عن الداونلود بطريقة جديدة نظرا لتلاعب شركات الانترنت وعدم استقرار سرعتك طوال اليوم لاعتمدا الشركات على الشير ولم تاخذ سرعتك كاملة طوال اليوم يعنى فى الصبح بتاخد سرعة الخط كاملة وبالليل نصف الخط تقريبا واحيانا اقل من النصف وبناء على ذلك تم عمل هذه الطريقة لكى تتوافق مع شركات الانترنت وفى نفس الوقت تتماشى مع وقت الذروة وقت المغرب حتى 12 بالليل او غيرها كلا على حسب توقيته ملحوظة هامة جدا النسخ المشروح عليها والمستخدمة فيرجن 5 (1) هاتغير اسم كارت الخروج من Local الى اسم كارت الخروج الخاص بك (2) هاتغير اسم كارت الدخول من Wan الى اسم كارت الحروج الخاص بك (3) شوف الخروج الخاص بك مثلا انا عامل 6.6.6.0/24 والخرج اللى فى الاسكريبت 10.0.0 هتعمل استبدال عن طريق نوت باد cntr+h واستبدل 10.0

ياترى سالت نفسك مين اللى فكر فى الاساس فى مجلة الشير ايجى ستار... ياترى سالت برضه مين مصمم تظام سمارت تك اللى جارى تجربته منذ اكتر من 3 شهور على بعض الشبكات للوصول لاقوى هيئة ويكون متكامل مع كل الشبكات؟... ملاحظة فى نقطة سمارت سيستم.. سمارت لما هاينزل هايبقى هو ده ايديك ورجليك فى الشبكة...يعنى مينفعش انزل نسخة تجريبية تعتمد عليه وفجاة اقولك هانغير او  جزئية محتاجة تعديل ابوظ لك شغلك؟... السيستم تم تنصيبه بالفعل على شبكتين بتاعتى وبتاعة خالد حتى يتم بلوغ اقصى كفاءة له المهندس خالد محمد  جاد العمر :  23 سنة الصفحة تهتم ب اخبار التكنولوجيا - دروس تصميم - دروس برمجة - دروس شبكات - دروس لينوكس وسيرفرات - دروس صيانة كمبيوتر اتمنى متابعتها وانا كمان بتابع معكم اى حاجة مفيدة فى مجالنا.. الصفحة لزيارتها عالـــــــــــــــــــــــــــــــــــم التقنــــــــــــــــــــــــــــــــــــــــــية تحياتى لكم شادى سوفت لو استفدت ساعدنى بنشر الموضوع :

ايه افضل DNS اشتغل عليه ؟؟ اكيد في يوم من الايام سألت نفسك السؤال دا سواء كنت مدير شبكة او بتدور على الدي ان اس الافضل لجهازك طيب مش تعرف الاول ايه الـ DNS دا وبيشتغل ازاي وبيعمل ايه ؟ DNS يعني Domain Name System او نظام اسماء النطاقات طيب بيعمل ايه الـ DNS دا اصلا ؟ هو انا مش في البوست بتاع ايه هو الانترنت واللي وضحت فيه ايه مصدر الانترنت وايه مصدر البيانات اللي على الانترنت قولت ان الانترنت دا شبكة كبيرة بين الدول وطبعا انت جزء من الشبكة دي ما دام جهازك متصل بالانترنت وقولت ان البيانات والمعلومات اللي على الانترنت دي موجودة على سيرفرات وكمان قولت ان السيرفر عبارة عن جهاز كمبيوتر بمواصفات قوية متصل بالانترنت وله عنوان ثابت ( شوفت ان المعلومة البسيطة في البوست اللي فات هيتبني عليها معلومة اكبر اهي ) طيب كل المواقع زي جوجل وفيس بوك وياهوا وغيرها عبارة عن سيرفر والسيرفر دا متصل بالانترنت عن طريق عنوان ثابت زي ما قولنا طيب تفتكر العنوان الثابت بتاع الموقع دا عبارة عن ايه ؟؟ عبارة عن اي بي على شكل ارقام يعني مثلا جوجل له اي بي 82.129.130.208 لو نسخت الرقم دا وحطيته في المتصفح هيفتحلك جوج

عجبتنى جدا مقالة المهندس خالد جاد عن معنى ومصدر الانترنت ايه هو الانترنت ؟؟ ومصدره منين او جاي منين الانترنت دا ؟؟ سؤال ممكن يخطر على بال كتير من الناس وفي ناس بتخلط بين الانترنت وبين مصدر البيانات اللي موجودة على الانترنت عموما اجابة السؤال دا فين مصدر الانترنت ؟؟ ببساطة الانترنت ملوش مصدر قد يكون له منشأ يعني نشأ في مكان معين لكن ليس له مصدر يعني ايه الكلام دا يعني الانترنت دا عبارة عن شبكة كبيرة بين الدول تسمح بتبادل المعلومات بين كل دولة واخرى الشبكة دي بتربط كل الدول ببعضها عن طريق اما كابلات بحرية او اقمار صناعية او اي وسيلة ربط اخرى معنى كدا ان انا لو جيت وشيلت امريكا من العالم هل هيبقى فيه انترنت ؟؟ اه هيبقى فيه انترنت بس كل اللي هيحصل اني مش هقدر اتصل بأمريكا والدول اللي انا متصل بيها عن طريق امريكا لكن الدول الاخرى هقدل اتصل بيها وافتح المواقع اللي على سيرفرات داخل الدول دي   مثال للتوضيح : احنا افترضنا اننا هنفصل امريكا ومعنى كدا ان انا مش هقدر افتح المواقع اللي موجودة على سيرفرات امريكا لكن باعتبار ان انا متصل بفرنسا لسه عن طريق الكابل البحري هقدر اتصفح المواقع اللي على

السلام عليكم ورحمة الله وبركاته.. كثر السؤال ده... انا جهازى يشيل كام عميل؟....او البيكو و البوليت يشيل كام عميل معايا؟... والمهندس خالد بصراحة فى احد ردوده وضع الاجابة الشافية الكاملة للموضوع ده وانا قلت تشوفوها وتفهموها.. السلام عليكم سؤال بتسأله كتير جدا من الناس اصحاب الشبكات اللاسلكية وهو الجهاز دا يشيل كام عميل ؟؟ بسمع اجابات من ناس على السؤال دا غريبة زي مثلا ان البوليت او البيكو ستيشن بيشيل من 25 : 30 عميل اونلاين الحقيقة فكرة السؤال دا غلط من الاساس .. ليه غلط ؟ لان مفيش عدد عملاء محدد للجهاز اي كان نوع الجهاز. امال ايه ؟؟ كل جهاز له قدرة معينة على نقل البيانات على حسب المود والتردد اللي هو شغال عليهم وهناخد البيكو ستيشن كمثال نشرح عليه جهاز زي البيكو ستيشن معظم الناس بتستخدمه يبث على المود b وطبعا هو بيعمل على التردد 2.4 وفي الحالة دي بيكون قدرة البيكو على نقل البيانات 11mbps يعني ايه mbps دي ؟؟ دي يعني Mega Bit Per Second بالعربي ميجا بت لكل ثانية خدت بالك من حاجة ؟؟ انا قولت ميجابت مش ميجا بايت .. يعني ايه الكلام دا ؟؟ سرعة الانترنت بتتقاس بالكيلوبت مش بالكيلوبايت ودا خطأ

السلام عليكم ورحمة الله وبركاته الاخوة الكرام كنا شرحنا مواضيع كتير تختص ببث القنوات المشفرة من كارت الدش باسهل الطرق.... ناس كتير قالت ان الكارت مش سامح الا ب 6 عملاء فقط وميزيدش عن كده؟... طيب فيه فكرة (يرجع الفضل لها للاستاذ احمد طبعا لاننسى فضل احد)....اننا نخلى ال vlc هو اللى يبث لنا فى الشبكة.. وخد بالك البرنامج ده خفيف جدا جدا...ومجانى...وهايبث لناس كتير جدا بدون التوقف عند عدد معين..بصورة فائقة.. راجع الموضوعات اللى اتكلمت فيه عن تقنية بث القنوات من كارت الدش.. (1) قنوات مجلة ايجى ستار تعمل على كل المتصفحات  ميكروتيك العرب (2)  احترف التعامل مع تقنية بث القنوات من كارت الدش بصورة اتش دى وسرعة جبارة  ميكروتيك العرب والنهاردة ده درس لفكرة جديدة تقدر تطبقها اى حد عنده كارت دش... ولو مش عندك كارت دش فيه شرح كتير لسه جاى لموضوع الريسيفر عبر البرنامج المجانى ده vlc نشوف الفيديو ونفهم منه الفكرة ايه؟.. فى النهاية انا مش محتاج منك كلمة شكر انا محتاج منك فكرة جديدة اقدر انشرها للناس ونعيد صياغتها ونطلع منها افكار مفيدة لنا فى الشبكة نتميز بيها عن غيرنا... تحياتى لكم شادى سوفت لو استفدت

السلام عليكم اعزاؤنا اعضاء مدونة ميكروتيك العرب تتوالى انفرادات المدونة فى مجال بث القنوات فى الشبكة المحلية عبر الميكروتيك ويتناول موضوع اليوم الاحترافية فى بث القنوات العادية والمشفرة بسرعة لاتزيد عن 64 الى 128 كيلو فقط يعنى اقل عميل هيشاهد القناة بوضوح نشوف الاول الشرح كامل ودلوقتى هاتحمل الملفات اللى انت شوفتها بالفيديو الملف يحتوى على  (1) بلوجن فك الشفرات (2)سيرفر cccam جاهز للعمل بتاريخ اليوم (3) كوديك تشغيل القنوات بسرعة فائقة (4)التقنية الكاملة للبث باحدث اصدار (5) ملف قنوات معرب بالكامل dvbviewer والكثير من المفاجأت الاخرى.. المرة دى التحميل بعد تسجيل العضوية فى المدونة مش عاوز رد مشكور وتسلم وزى الفل واسطوة ومحصلش!!!!!!! انا عاوز رد بفكرة جديدة او حاجة ممكن تنضاف للموضوعات دى اقوم انا بشرحها وترقيتها للعرض عليكم منتظرين الردود.. التحميل تفضل   تحياتى لكم لو استفدت ساعدنى بنشر الموضوع :