ميكروتيك عربي

السلام عليكم ورحمة الله وبركاته النهاردة 29 فى الشهر... يعنى كل واحد منكم بيفكر دلوقت فى تحصيل اشتراكه من المشتركين علشان يقدر يدفع التزاماته لشركة النت ويصرف على نفسه من الفلوس دى.. طب ازاى اجبر المشترك على الدفع؟؟ ماهو فيه عملاء باردين بيستنوا لما افصل عنهم النت ياترى هاروح اشيل سلكهم من السويتش؟؟..كده بقى للشبكات الكبيرة خدلك 10 ايام على ماتقدر تفصل كله!!!! ياترى هافوت عليهم واحد واحد فى البيت؟!!! فى الشبكات الكبيرة انت كده هايبقى ادامك 15 يوم تلم اشتراكاتك ده لو مقلش لك فوت علينا بكرة اصل مافيش فلوس دلوق؟!!!! لو قعدت تفكر فيها هاتتعب نفسيا وعصبيا.... طب تفكر ليه وانت معاك اصلا اقوى وحدة تحكم وادارة عملاء وهى الميكروتيك؟..... النهاردة درس هاتنفذه فى 3 دقايق بالظبط وتفصل على الناس الاشتراك وتخليهم هما اللى يجوا لحد عندك فى قلب المحل وانت قاعد زى الباشا بتشرب شاى!!!!!!!!!!!!!!!! نشوف الفيديو الفيديو كامل لشرح الطريقة ودلوقت موعد تحميل الملف ... حجمه صغير جدا وطبق زى الشرح بالظبط مش هياخد منك دقيقتين على بعض التحميل صفحة فصل الخدمة بطريقة جديدة الف شكر لكم تحياتى لكم مهندس شادى سوفت

هوتسبوت crown2000 للميكروتيك السلام عليكم ورحمة الله وبركاته كما عودناكم هانزل يوميا تصميم هوتسبوت سواء جديد او قديم....لتستطيع عمل مكتبة كاملة من الصفحات على جهازك الشخصى وتقدر تغيرها للميكروتيك فى اى وقت تريده فاكرين الهوتسبوت ده؟... كان اشهر هوتسبوت فى المنتديات كلها للميكروتيك نظرا لقلة المصممين ومن لهم خبرة ودراية باكواد صفحة الميكروتيك للدخول نشوف صور التصميم mikrotik hotspot صفحة هوتسبوت فصل الخدمة ودلوقتى دور التحميل التحميل crown2000 لو استفدت ساعدنى بنشر الموضوع :

مجلة ايجى ستار داونلود 12 ميجا بالثانية ميكروتيك العرب السلام عليكم ورحمة الله وبركاته.. المجلة مش فاتحة معايا عند المشتركين !!!! مجلة ايجى ستار فاتحة على جهازى بس ومش فاتحة عند الناس على الشبكة!!!!!! مجلة ايجى ستار مش بتظهر للمشتركين فى الشبكة!!!!!!!!!!!!! كل دى بتنحصر فى مشكلة واحدة بس بيبقى صاحب الشبكة هو السبب فيه!!!!! الفايـــــــــــــــــــــــــــــــــــــــــــروول على الكمبيوتر... ايوه الفايرول على الكمبيوتر لازم تقفل الفايرول علشان ده جدار وحائط نارى بيقفل الويندوز وميخليش الشير اللى المجلة قائمة عليه فى الاساس يشتغل دى صورة من المشكلة على ويندوز اكس بى وانت لو عامل ويندوز سيفن او 8 تدخل تشيل الفايرول الصور الصورة التانية تحياتى لكم مهندس شادى سوفت لو استفدت ساعدنى بنشر الموضوع :

المشكلة اللى فى الصورة دى متكررة فعلا فى شبكات كتير...   انا هاحط لكم هنا صورة صاحب المشكلة وحل المشكلة.. المشكلة تكمن فى عدة نقاط.. (1)تكون عاطى اكسيس بوينت نفس ايبى كيسة كمبيوتر عميل او نفس ايبى  اكسيس بوينت تانى... احذر لازم لكل اكسيس ايبى مختلف عن التانى علشان ميحصلش كونفليكت ايبى... (2) ممكن يكون رول معين انت حطيته فى السيرفر عمل الحركة دى.... الغى اى رولات تمت اضافتها وشوف النتيجة   (3) الغى كل اللى فى الليسس من السيرفر زى الصورة دى باذن الرحمن تكون مشكلتك اتحلت وشكرا لكم تحياتى للجميع مهندس شادى سوفت لو استفدت ساعدنى بنشر الموضوع :

الاخوة الكرام الكثير منكم يشكو من ان البوليت او البيكو اشارته معدتش زى الاول؟!! طب انا اول ماجبته كان خرافة فجاة الاشارة وقعت؟!! وحاجات كتير من هذا القبيل.. اؤكد لكم باذن الرحمن من بعد الفيديو ده هاتتحل مشكلة 70 فى ال 100 منكم الفيديو شاهد تحياتى لكم مهندس شادى سوفت

الاستخدام العادل فى تى داتا ميكروتيك العرب عملتها تى داتا فعلا وبقت رسمى وعلى عينك ياتاجر.. عاوز تعرف عملت ايه؟... شوفت الصورة اللى فوق دى؟!!! تمعن كده وقولى شايف الهنا اللى احنا فيه؟!!!! معلش بقى ياجودعان... اللى عنده تى داتا يدخل بسرعة يلحق نفسه ويشوف الخوازيق اللى مستنياه.. هاتسجل فى الرابط ده الرابط اللى يطلع له الصورة دى مش عاوزه يقلق خالص.. ليه بقى مش يقلق؟؟ انا اقولكم؟... لانه الرجالة لسه بيارشفوا كل الخطوط ودورك جاى جاى ياريس متقلقش..ههههههههههه يامصيبتى يانا ياما..يامصيبتى يانا ياما... وفى النهاية عارف شعور كل واحد لما يشوف العداد بتاعه هايبقى شكله كده بالظبط ياسنة سوخة ياولاد ههههههههههه تحياتى لكم مهندس شادى سوفت

WN604  Wireless-N 150 Access Point ميكروتيك العرب السلام عليكم ورحمة الله وبركاته كلنا نعرف شركة نت جير الرهيبة فى صناعة منتجات الشبكات والانترنت زى الروترات والسويتشات وغيره وغيره لو استفدت ساعدنى بنشر الموضوع : اكيد القديم منك اتعامل مع النت جير 54 ميجا القديم وشاف مدى قوة الجهاز ده فى الاستقبال وتحمل العملاء..وكتير كان عامله محطة ارسال وشاف شغله الرهيب واشارته الفتاكة!!! طيب ايه رايكم بقى لما اقولكم ان الشركة دى ..اصدرت فيرجن 150 ميجا ويدعم مود N طب ايه رايكم لما اقولكم انه 4 فتحات هاتوفر سويتش وتوصل عليه ال 4 عملاء مع بعض طب ايه رايكم لما اقولكم انك تقدر تظهر عليه ماكات العملاء بكل سهولة؟... طب ايه رايكم لما اقولك انك تعمله ربيتر بكفاءة عالية جدا مياثرش على شبكتك لان اشارته عالية غير انه بيزود نطاق شبكتك لان له مدى كبير هايبث لك الاشارة تانى فيه الناس اللى سالت القناة ال 14 فين...هاتشوفها فى الفيديو بطريقة سهلة جدا من الاخر مينفعش الجهاز ده يمر مرور الكرام كده ولازم نقف وقفة ادامه نعرضه للناس ونبرمجه معاهم عزيزى قارىء الموضوع.. لو انت مش عندك الاكسيس ده او مش هاتجيبه لازم تشوف الف

اداة ايرلينك لقياس الوايرليس ام فايف موضوع النهاردة مهم جدا جدا لكل واحد ناوى يعمل شبكة... او عامل شبكة فعلا وناوى يطور وينقل نت من منطقة لمنطقة اخرى؟.. مسالتش نفسك لو اشتريت الاجزة ام الاف الجنيهات وجيت تركب فشلت معاك....هايبقى ظروفك وقتها ايه؟.. طب لو جبتها وظهر عوائق فجأة ؟....ماهو كان ممكن تعرف العوائق اللى عندك قبل ماتعمل الموضوع ده... طب لو جبتها واشارتها وحشة؟...طب ماهو كان ممكن تشوف اشارتك وكمية نقل النت بتاعتك ومسافتك بالكامل كانك على الجهاز النهاردة الفيديو ده هايوضح لك كل حاجة بكل سهولة جدا اداة ذهبية لاصحاب الشبكات والمقدمين على المشاريع شاهد الفيديو الفيديو علشان تدخل على الاداة دى تفضل الموقع الخاص بها الموقع تحياتى لكم مهندس شادى سوفت

السلام عليكم ورحمة الله وبركاته اليوم موعدنا مع جهاز البوليت هاى باور المستخدم فى اغلب شبكاتنا سواء فى مصر او العالم العربى... ايه هو جهاز البوليت هاى باور؟!! هو عبارة عن سويتش زى سوتشاتك بس بدلا من نقل النت سلك هو بيترجمها على ترددات اسمها 2.4 جيجا هيرتز ويبثها فى الهواء وانت تروح تستلمها عند العملاء بتوعك عن طريق اللاب توب او الموبايل او جهاز رخيص اسمه اكسس بوينت بتدخل عليه زى صفحة الروتر وتديله ايبى وتدور على اسم شبكتك وتربط عليه ويبقى العميل معاك كده شغال من عندك.. الجهاز بيتحمل اد ايه؟!! الجهاز بيتحمل 25 الى 30 اونلاين!!! حط خط جامد على اونلاين دى؟؟ ليه بقى؟؟ لان انت بيشتغل عندك دايما الربع من عدد مشتركينك ازاى؟؟ انت لو معاك 100 عميل على السيرفر احنا بنقيس الاونلاين من داخل السيرفر فى هوتسبوت اكتف..يعنى بنشوف الاكتف والاكتف هو ده اللى بيبقى اونلاين ودايما احسبها كده هاتلاقى فيه 25 مسجلين من ال 100 يعنى الربع يعنى ممكن توصل 90 اكسيس بس مايبقاش فاتح منهم الا 25 بس..ولاحظ جدا اهم انتنا تركب على البوليت ده لان افضلهم السيكتور المصرى وتقدر تفهم الانتنا بالتفصيل اللى بتركب على البوليت م

اهلا وسهلا بكم اعضاء موقع ميكروتيك العرب للشبكات.. باذن الله انتظروا منى تصميمات كتيرة جدا الايام القادمة.. التصميمات مش انا اللى مصممها لانى مبعرفش فى التصميم من الاساس...لكنى كنت لما بلاقى تصميم حلوا فى مكان كنت بحتفظ بيه وجه الوقت اللى لازم نقوم بعملية ارشفة لكل التصميمات دى علشان الافادة القصوى للجميع طالما الناس بيحبوا التصميمات الجديدة انصحك لو دى زيارتك الاولى لى ان تقوم بالبحث فى الشريط الاعلى على كلمة صفحات هوتسبوت ستجد مايسرك او انظر على الجانب الايمن للموقع ستجد مربع بحث اكتب فيه اى كلمة تيجى فى بالك وعاوز حل لها هاتلاقى مربع البحث الفورى تواصل معاك واظهر لك اللى انت عاوزه تصميم اليوم لابد من مشاهدته فيديو الاول علشان تشوف مدى قوة الشكل والتكامل اللى وفره المصمم لاصحاب الشبكات فيديو التصميم من على قناتنا الجديدة فى اليوتيوب الفيديو   التصميم وفر لك ايه بقى؟.. (1) واجهة كانها موقع كامل لليوزر والباص باللون الاحمر وشكل سيرفرات الاستضافة البراقة القوية جدا (2) صفحة اتصل بنا وبها كافة بياناتك وارقام العاملين معك للاعطال (3)صفحة عروضنا ودى تقدر تنزل فيها عروضك الجديدة دوريا بكل

لو استفدت ساعدنى بنشر الموضوع : بسم الله الرحمن الرحيم ان شاء الخالق النهارده هنقدر ندمج عدد لا نهائى من الخطوط على نفس فتحه لان الدخول بسهوله جدا 1- المطلوب ان يكون كارت لان الدخول 10/100/1000 ان كانت خطوطك اكثر من 6 خطوط وخلاف كده عادى اي كارت لان ينفع 2- ان كانت خطوطك بريدج رجعها ايبيهات عاديه مع التوضيح انه لا يوجد اي فرق بين الاثنين 3- قفل ال dhcp من داخل الروترات كلها 4- لو كنت عامل real ip لخط من الخطوط ممكن هوا الوحيد اللى يصبح بريدج علشان سهوله الدخول بخلاف كده خطوطك تكون عاديه طيب ايه فكره الدمج من البدايه الدمج فكرته انك بتعلم كارت نت من الكروت المركبه وتعطيله علامه للراوت وتروح الراوت ترمى العلامه دى مع الايبى وبكده عملنا دايره وصلنا فيها الانترفيس بالمانجل ومن المانجل بالراوتس ومن الراوتس للايبى ادرس ومن الايبى ادرس للانترفيس مره تانيه راجع الصوره دى كده الدمج يشتغل كويس جدا لكن عشوائى فبنعمل توجيه الاوامر عن طريق التقسيم من المانجل وتحديد الباكتس بروح فين زى الصوره دى بعنى اللى افهمه من كده انه ملوش دعوه لا بنوع روتر ولا باسم شركه ولا اي حاجه نهائيا من الفيزيكال من هنا

بيحصل كتير اوى انى اروح لحد الشبكة بتاعته واجى ادمج بريدج يطلع مش عارف يوزر وباص مزود الخدمة ونضيع اليوم كله بنتصل على الموزع او الشركة... بيحصل كتير تبقى جايب روتر جديد وعاوز تحطه مكان الروتر بتاعك ده وتيجى تجيب اليوزر والباص مش عارف برضه؟!! طييب ياجميل موقع ميكروتيك العرب بيقدم لك النهاردة افضل حل فى المجال ده شوف الفيديو هاتفهم الليلة فيها ايه وتطبقه فى اقل من لحظة الفيديو اتفضل  شكرا لكم لو استفدت ساعدنى بنشر الموضوع :

شايفين الصورة بتاعة الموضوع دى؟؟!!!! لو استفدت ساعدنى بنشر الموضوع : هى دى حال صاحب الشبكة لما هايشوف اللى جوه الفيديو ده؟!!! اللى جوه الفيديو ده مشكلة بتحصل كل يوم فى شبكات مصر والعالم العربى باكمله ده لو مكنش الاجنبى كمان؟!! اللى جوه الفيديو ده خلى اصحاب شبكات كتير تفض الشغلانة خالص!!!! اللى جوه الفيديو ده خرج مشتركين كتير جدا جدا من عند ناس كتير وخسروا نص ايراداتهم!!!! اللى جوه الفيديو ده مش هاتتحل الا بالطريقة اللى انتم شوفتوها دى بالاستعانة بالميكروتيك!!!! اللى جوه الفيديو ده حصل بالفعل مش شرح..!!!!! ده بث لايف فور وقوع المشكلة.... انا حليتها فى نص ساعة..ناس تانية كتير فكت الشبكة وبيحصل لها الكلام ده فى ساعات معينة ويختفى شوفوا الفيديو الاول هاتفهموا ايه اللى جرى الفيديو هنا وده فيديو بعد حل المشكلة ونشوف النتيجة كاملة الفيديو هنا شكرا لك لو استفدت ساعدنى بنشر الموضوع :