ميكروتيك باللغة العربية من الالف للياء + جمع الاشتراكات بكل سهولة بنظام الكارت المدفوع مقدما ساعات او جيجات او ايام شرح حصرى عربى USERMANGER RADIUS

السلام عليكم ورحمة الله وبركاته

الحمد لله رب العالمين تم اعداد شرح حصرى بالعربى للتعامل مع اقوى انظمة ميكروتيك كروت الشحن الذكية

هنتكلم ياجماعة النهاردة عن نظام اليوزر مانجر او راديوس المايكروتيك..

مش عاوز حد يتعقد من الاسم الانجليزى وهاقولك بالظبط ايه مزايا شرح اليوم؟..

(1) هاتتعامل مع الميكروتيك باللغة العربية كاملا بدون وجع قلب وقلبة دماغ

(2) هاتعمل انتشار كبير جدا فى الكافيهات والمولات الخدمية بانك هاتعمل كرت انترنت مدفوع مقدما لمدة

ساعة او ساعات معينة او اسبوع او ايام او حتى دقائق العميل يستريه يشغله وينتهى بمجرد انتهاء وقته

(3) مش هاتلف على بنى ادم فى شبكتك هما اللى هايلفوا عليك ياكبير وبرضه مش هايلفوا عليك

انت هاتسيب الكروت لاقرب محل موبايل او سوبر ماركت او بقالة او حتى بتاع غيار زيت!!!!

والعميل هايروح يشوف هو عاوز كارت كام يناسبه ويشتريه

(4) هاتقاوم الاستخدام العادل فى الشركات بانك تعمل كروت بجبجات معينة مثلا 10 جيجا او 5 جيجا

والعميل له الحربة يشترى الكارت اللى هو عاوزه.. تقدر تعمل كارت سرعته مفتوحة بكل خطوطك بس متحدد ب

عد جيجات معين وده هايخلى التصفح والنت طلقة مع الناس وانت مش خسران لانك لو عملته 10 جيجا مثلا

العميل هايخلصهم وينزل يشترى تانى

(5) عملاء حلب الشبكة انا بسميهم كده اللى هما رجالة التحميل اللى مشغلين مواتير وشفاطات فى الشبكة

اعمل كروت اسمها طلقة التحميل بتعمل دونلود ب 4 ميجا او 5 ميجا عالية السرعة بس حدد 10 جيجا 

صدقنى انت اللى كسبان

(6) كل اعطالك مش يوزر ولا باس هاتبقى السلوك فقط لا غير وتاريجها

(7) على حسب مزاجك ونظامك النظام هايشتغل معاك يعنى لو شغال هوتسبوت زى الفل شغال

ولو شغال برودباند شغال ولو شغال دى اتش يى بى شغاااااااااااااااااااال يعنى يناسب كل الشبكات

(8) وداعا لصفحة فصل الخدمة نهائيا .. الكارت بمجرد انتهاء صلاحيته بخ وكل سنة وانت طيب اشترى تانى

(9) وده الاهم ازالة الحرج عنك نهائيا فى جمع الاشتراكات لان كده كده الكروت مش معاك هاتقوله عم عشم مات

وانزل ياريس اشترى من اقرب فرع لك بيبع كروتى....حلوة اوى الفكرة دى ومكيفاااااانى

(10) هاتترحم من سرقة العيال السيس اللى شغالين معاك اللى كل واحد بيضرب له اشتراك ولا اتنين فى جيبه

انت مطلع كروت ب 1000 جنيه تعرف ان دخلك 1000 جنيه لايزيد ولا يقل وهكذا

مزايا فوق الخيال

هاتكتشفها فى مشاهدة الفيديو ده

وعلشان تشوف الشروحات اللى فاتت لليوزر مانجر اتفضل بزيارة المواضيع دى

الدرس الاول تعريب الميكروتيك كاملا بواجهة رائعة للتعامل بالعربى مع خاصية userman mikrotik

ميكروتيك باللغة العربية كاملا + تحصيل اشتراكاتك فى يوم واحد فقط + عمل اشتراكات بالوقت والسرعات وافكار مختلفة رهيبة للتقدم بالشبكة mikrotik user manger

ودلوقت وقت تحميل ملف شكل الكارت العملاق النضيف اوى ده

تصميم الكرت

اى طابعة عندك الوان او ابيض واسود اطبع ياريس وحطه فى كارت معايدة من الصغير ابو 10 قروش والزق الكارت

واكتب عليه من الخارج السعر يعنى متكلفش نفسك فى طباعة الكروت

تحياتى لكم شادى سوفت

لاتنسى الاشتراك بالمدونة

الباسورد.TXT(1KB)